■范國威製圖污衊警方，後知衰刪帖。 fb圖片補選近了，你們就應該抽水？反對派為了抹黑警方，竟然歪曲事實，將在九龍灣發生的姦劫案，與入境處人員到觀塘HA搜捕懷疑黑工相提並論。係人都知好恨參加立法會新界東補選的「新民主同盟」前立法會議員范國威，就製圖污衊警方，稱警方為了「鎮壓」HA導致「區內不設防」，才會在「同一時間」發生姦劫案云云。喂，阿哥，兩單嘢發生嘅時間唔同喎！
罔顧事實 時空錯亂
范國威前晚在fb以「新民主同盟」名義發佈圖片，指稱警方「出盡警力」應付HA事件，令「區內不設防」，致令「同一時間」有一名22歲少女在「觀塘道」慘遭先劫後姦云云。
佢將兩單唔同案件拉埋嚟講本身已夠小學雞，但唔該，臨時演員都係演員，唔該出post前check清楚事實先啦！
范國威提到嘅姦劫案，事實上雖然係叫「觀塘道」，但地理位置其實係喺九龍灣德福花園對開條天橋底發生，同HA距離好遠喎！再者，姦劫案事發地點屬於秀茂坪警區，處理HA的則係觀塘警區，無理由觀塘調人，秀茂坪就會「不設防」啩！
最緊要嘅係，兩件事件根本發生喺唔同時間：姦劫案是在5月7日凌晨發生，HA事件是在5月7日晚上至8日凌晨發生。喂阿哥，兩日嚟㗎噃！
認衰刪帖？ 有圖有真相！
大概知道衰咗，范國威其後刪去了相關帖子，但係少年你太年輕了，呢個世界係有cap圖呢樣嘢嘅！唔該，出得嚟從政，有啲廉恥道個歉好冇？ ■記者 羅旦
