■張頴康一家將迎第四位成員。香港文匯報訊 麥雅緻昨日帶同3歲囡囡小豆出席母親節活動，老公張頴康亦有到場打點，並幾乎全程傍到實。席間麥雅緻報喜說懷上第二胎，預產期是10月，暫時決定剖腹生B。
麥雅緻坦言今胎害喜情況比上一胎嚴重，「之前唔係好舒服，好似佗得唔係好穩咁，自己都有啲壓力，所以咁遲先講。」問到BB性別，麥雅緻稱仍未知道：「老公就想生多個女。（小豆知道快將做家姐？）知，佢一時話BB係細佬，一時又想話要妹妹，比較飄忽。」張頴康表示想生多個陪囡囡，「夾硬」說服老婆生多個，麥雅緻坦言兩個夠晒數。
笑問張頴康將來BB出世後，零用錢會否再減少？他笑說：「應該唔使，其實每日有100蚊真係夠使。」
張頴康其後再於社交平台晒幸福全家照，並留言：「嚟緊嘅日子又要辛苦我老婆喇！老婆，辛苦你，多謝你，我愛你！」網民也紛紛祝福這「一家四口」未來要繼續幸福。