（第一場）「澤心星」過往抖抖埋埋特佳，今賽前有足足近三個月之休戰期，對馬匹顯然是正面部署，歷來三次角逐同程得冠亞季軍各一保持百分百上名，亂局可作首選。
（第二場）「心有靈犀」路遙知馬力，本身至今已在同程累積冠亞季軍各兩次，長途性能毋庸置疑，季內連拚尚未逞，急急再上陣，取其戰意旺盛，值得再俾機會。
（第三場）「勝利仔」迄今十二次渡江角逐，勁獲三冠三亞兩季上名率逾半，性能一流，而本身亦經已連續九場不勝有位，演出咁準繩，唔揀是違反數據。
（第四場）「栗馳駒」剛戰差到唔似真，或歸咎於本身沿途走外疊蝕盡腳程，敗不足據，否則以前仗在此程獲季之表現，加上今場有雷神之助，應可重振聲威。
（第五場）「肥仔」雖說上仗是靠快步速之助，但本身末段之追勢確係相當厲害，絕對有番晒季初贏馬時之水平，今次強配莫雷拉顯然有再接再厲之意，值得追贏。
（第六場）「紅星」剛戰飛到馬到贏得清脆利落，四歲馬剛踏上起跑線，照計唔會贏一場便收停，乘勇繼續攻勝途，是有決心延伸升浪，首選地位不變。
（第七場）「順勢寶」（圖6號）前次能夠力迫「傑飛」獲亞，賽績相當硬淨，季內到目前為止已累積一勝三位，質新分子現正臻大熟期，今場對手唔算太強，全力一戰，坐位望贏續可做到。
（第八場）「愛樂寶」插班後全獲獎金，而近仗移師谷草名次先亞後冠，感覺越跑越進步，今次升班磅位因而大幅調低，對年幼馬言是有利無弊，一於繼續追。