■欣宜同BabyJohn四出謝票。香港文匯報訊（記者 凡文）由周秀娜和鄭欣宜 (Joyce) 主演的《29+1》，自上周四港、澳兩地上映至前天，累積票房達700 萬，成績不俗。不少圈中人如張智霖和連詩雅等都自掏腰包睇戲撐場，為本土創作電影加油。一眾演員和導演之前兵分三路，走勻港九新界的戲院四出謝票，觀眾亦表現熱情，當中不乏已非首次入場的觀眾，更有人睇了七次之多，因為電影內容有意思及有思考空間，令觀眾每次睇戲都有不同領悟。Joyce就說：「呢次做謝票，最感動係有觀眾睇完之後，同我講決定唔做份工去做working holiday；我最欣賞呢部戲的地方，係會令到你有思考，你自己想做咩嘢，會為自己做一些事，會更加珍惜自己擁有的東西，呢樣嘢係好重要。我希望呢部戲有更多人睇，希望呢個訊息幫到更多人去判斷自己的選擇。」BabyJohn在過去幾個月做了好幾部電影的謝票，但電影的謝票就跟之前大不同，「今次呢部戲比較寫實生活，同埋偏重女性三十歲的年齡，所以觀眾幾肯分享30歲或者同呢部戲有關的經歷，所以我覺得今次謝票係令到自己都有嘢諗、有感受，唔單止係多謝觀眾咁簡單，直情係一個交流會。」