■王敏德與麥明詩現場共舞。知舊愛林作做補習老師
香港文匯報訊（記者 梁靜儀）王敏德（Michael）、麥明詩（Louisa ) 、陸詩韻及E-kids等，昨日出席舞蹈學校開幕活動。林作近日當上補習老師，林作舊愛麥明詩表示已經知道，她更直言對教育小朋友方面有興趣，希望着重啟發他們的思維。
身為該校代言人的麥明詩，表示當年學過跳舞十年八年，主要是想陶冶性情。問到當時學跳舞是否為了參加港姐？她否認道：「細個冇諗住參加港姐，係媽咪想我改善寒背情況，係有用嘅，但之後考會考冇學，所以個背又寒返。」
談到舊愛林作近日當上補習老師，她笑說：「我知，好難留意唔到囉！」她亦表示對教育小朋友方面有興趣，覺得小朋友由零至六歲吸收力最快，如果做並不是想訓練他們考試，而是啟發他們的思維，但自己未有實質經驗，又未有小朋友。她又贊成小朋友多運動有益處，她說：「小朋友多打鞦韆可以激發腦部神經線發育，所以細個媽媽成日帶我去打鞦韆，屋企都有個鞦韆，呢樣嘢係有科學根據。」
王敏德想細女收斂性感
Michael表示下月就會投入拍攝網劇《飛虎極戰》，現時正積極操弗身形，他笑說：「因為肚腩大，但已經瘦返，仲有兩個禮拜可以操弗，（有冇當年演教官相時咁弗？）差少少，都可以接受。」Michael表示已試穿過戲服，是用真正重約25磅的飛虎制服。
提到其細女王麗嘉日前上載性感照，Michael說：「我喺IG睇到留言，問佢『使唔使咁呀？』其實我係少少逼佢咁，其實我係唔介意，係覺得唔係好需要，作為爸爸我要畀意見同少少壓力佢，大女就笑我留言。」提到細女另一張伸手入內褲的相？他說：「明白細女由波士頓飛咗去加州放假，應該係好舒服、好自由，當地人呢種打扮係好正常，只係香港太保守，（畀細女太多自由？）OK啦，接受得到。（擔唔擔心有男仔黐埋去？）唔擔心，佢識處理自己的social media！」