■三個「蟹仔」邵仲衡、陶大宇及郭政鴻現身， 三人大叫秋官老竇。香港文匯報訊（記者 李思穎）鄭少秋演唱會前晚圓滿結束， 秋官請來闊別25年在《大時代》中的三個「蟹仔」邵仲衡、 陶大宇及郭政鴻擔任嘉賓，秋官更「丁蟹」上身， 想重演掟仔落街一幕，掀起全晚高潮。女兒鄭欣宜連續兩晚擔任表演嘉賓，適逢昨天是欣宜的30歲生日， 秋官帶領全場逾八千人為欣宜送上生日歌，即時搞喊欣宜， 要流住淚獻唱《女神》。
三「蟹仔」現身掌聲如雷
之後輪到三個「蟹仔」邵仲衡、陶大宇及郭政鴻現身， 全場掌聲如雷，三人大叫秋官老竇，又讚秋官身形弗爆，秋官開心地說：「三個寶貝仔今晚有女有仔，真的很好，你三個去咗邊，係咪發咗達唔理阿爸？大家知你們會來撐場，都好希望重演《大時代》經典場面， 將三個仔掟落街、掟落台。」大宇笑言：「呢度唔夠高驚壓親人。」 邵仲衡作狀跳樓：「我自動跳先。」令台下大笑。
郭政鴻指這20多年來曾跟秋官合拍過《桌球天王》， 其他兩兄弟就沒有很不孝，陶大宇謂：「咁耐無見， 唔好睇我四四正正，其實不之幾坎坷，半夜三更都上來開工， 好明顯個個都好手緊。」邵仲衡自言這些日子去周遊列國， 無所事事，作奸犯科。陶大宇又提到「丁蟹效應」:「我們失散了 25年，無你在身邊，這25年來炒股票炒燶哂， 再係咁要返陽澄湖抖抖。」秋官反駁說：「信老豆實得， 知我一出便趁低吸納。」 陶大宇笑說：「你做咩都同股有關，丁蟹效應。」尾聲時，秋官落台與觀眾近距離握手，期間被三個女粉絲錫面珠， 秋官亦來者不拒，最後秋官做出心心手勢冧fans， 為個唱完滿結束。
秋官出席慶功宴時，在台上多謝各表演嘉賓，是到太太官晶華，他衝口而出地說：「我老婆乜都管，乜都睇、乜都跟，佢有無來？一陣講得多返去又話我，你們唔好登，不過我好多謝佢照顧我， 有個好老婆係好。」 秋官又表示不排除演唱會會開part 2，但需詳細計劃再作決定。