■陳慧琳同張智霖都暫時唔敢再去倫敦。香港文匯報訊 (記者 梁靜儀)張智霖(Chilam)與陳慧琳(Kelly) 昨日到中環出席月餅品牌活動，昨日由英國返港的Chilam，落機後即趕往出席活動。Chilam一家三口日前在英國威爾斯欣賞歐聯決賽，但同日晚上在倫敦則發生了多人傷亡的恐襲事件，Chilam表示自己要諗定有事發生的反應，唔可以呆若木雞。
張智霖日前與太太袁詠儀（靚靚）及兒子「魔童」 到英國威爾斯旅行及欣賞歐聯決賽，更於社交網直播吃早餐情況， 但同日晚上在倫敦則發生了多人傷亡的恐襲事件。 他表示當時身在威爾斯，距離倫敦需要三小時車程， 第一次睇大型球賽，興高采烈，歡天喜地， 但有恐襲令心情大打折扣。問到可會驚？ 他謂當晚睇完波坐火車返到倫敦巳是凌晨三點， 沿途有很多警察及消防車，自己都要保持警惕：「個仔唔知咩事，自己要諗定有事發生的反應，唔可以呆若木雞。 」
問到Chilam會否少去人多的地方？他自言有人群恐懼症：「 排隊入場的時候同去花市，一郁唔到就抖唔到氣，應該係要睇醫生， 但係唔知睇咩醫生，我仲有密室恐懼症。」 他覺得世界變得唔安全，覺得香港最安全，中秋都是留港同家人過。
唔恨收兒子父親節驚喜
說到他與兒子玩FB直播時講英文，靚靚黑面叫兒子要講中文？ Chilam說：「佢講英文好些，靠佢我可以練到英文， 我同佢講英文溝通，少講中文，媽咪同婆婆就同佢講中文， 有我喺度就講英文，我衰晒，片入面魔童貼中皇馬贏4比1， 笑自己傻氣。」他又讚兒子普通話全班第一，因為其他同學是鬼仔。父親節將至，Chilam指爸爸住在澳洲，加上要為電影宣傳， 未能一起慶祝，自己就不用物質禮物，問到會否想兒子給驚喜？ 他笑說：「千祈唔好，羊毛出自羊身上。（驚唔驚佢帶女友返來？） 唔驚，咁細個讀書先。」
Kelly透露早前與Chilam去了台灣陽明山莊拍攝新一輯月餅廣告，Kelly表示不介意下一代接捧， 笑言兩個兒子蝦餃仔及小籠包可以代言中菜廳。問到會否收天價？ Kelly說：「咁多年感情唔使，肯用他們以好好。」她指之前有人斟她一家拍廣告， 但老公怕醜叫她自己去拍。
Kelly取消英國旅行
她表示原定暑假一家去英國旅行，但因為發生恐襲要取消：「 喺演唱會前訂晒酒店，因為遲咗取消要畀30%訂金， 發生咗事更加唔敢去，因為我都係去遊客去的地方去， 我一個去就唔驚，我走得快，但小朋友抱住一個另一個點？歐洲真係唔敢去，或者改去美國。」
談到兒子的語言問題，Kelly指大仔劉昇在學校要講英文， 細仔劉琛就跟哥哥講，連她也跟着兩個兒子講，其實要講中文。 Kelly笑指要迫兒子聽她的歌學中文，不過驚兒子聽到嘔。