香港文匯報訊（記者 顏倫樂）嘉華國際（0173）昨日舉行股東會，會後主席呂志和主動提到公司今後的發展大計，指今年或推大埔白石角創新路地皮。資料顯示，發展商之前一直表示項目預備明年發售，意味公司將推盤時間提早。而公司上月與信置及中海外合組財團，以83.3億元投得西鐵錦上路站第1期項目，他則透露，項目總投資將超過100億元。
呂志和昨日提到的白石角地盤，為公司於2015年9月以30.3億元中標的項目，今年初才剛批出圖則，可興建約66.3 萬方呎低密度住宅，包括2 幢18 層高及7幢19 層高分層住宅（在兩層地庫之上），估計提供約1,000伙。
買樓應自住 不贊成炒賣
問到對後市的看法，呂志和說：「我成日都話，有錢，真係自住就買啦，但如果攞嚟炒，你知道政府都出盡招數叫你唔好炒。」他又指：「社會變化好大，尤其喺啲利息，𠵱家香港得益於利息真係好平，亦照顧到每個人需要住的地方，年期供樓又好長畀年青人，係呢方面，真係認為你哋需要買樓住，有自己能力就去做，炒呢，我就認為不適宜。」
最近不少評論都指香港樓市有泡沫，被問到會否擔心樓市泡沫爆破，他說：「我相信你都有好多親戚朋友自己父母，佢哋都可能有買樓，初初買返嚟的時候係辛苦啲，幾年後佢就好自在，呢個係經驗嚟，唔係我講㗎。」至於美國加息對香港樓市的影響，呂志和指出，美國去年加息速度未見積極，因為全球經濟未能支持其步伐，而今年即使加息，幅度亦細。
面對中資高價搶地，呂志和年初時曾發表「坐艇論」，但最近中標的西鐵錦上路站第1期項目，公司卻與有中資背景的中海外及港資信置合組財團發展，昨日他再被問到對中資來港買地的看法時，態度明顯較溫和：「呢個就係自由社會嚟，佢要嚟，佢要搶地，佢要自己心裡面負責，睇得到將來會唔會賺錢，或者將來會虧本。」
歡迎多些人來香港投資
他續說：「香港係國際城市，亦都係自由，任何國家，任何人嚟投資，香港係歡迎的，我哋非但唔好喺呢方面有意見，仲要歡迎佢哋嚟，等我哋香港壯大啲，多啲人多啲生意，幾好。」不過問到會否再與中資高價爭地，他卻笑說：「咁我就要為股東着想，應該爭我就同佢爭，唔應該爭，我就畀佢做囉。」
至於會否再與中資合作競投項目，他笑說：「好朋友咪大家合作囉。」至於哪間中資係好朋友，他鬼馬地回應：「中資？個個都好朋友啦，你千祈唔好分人哋，你分人哋又唔好㗎喇。個個都好朋友，唔好分中資或咩資。」
對即將於七月上任的新一屆政府，他說：「梗係希望好啦，佢(林鄭月娥)出得嚟做，個心都係為香港的。」他又寄語香港年輕人「大家合作啲，拍吓手掌，佢自然輕鬆好多。」他說：「香港𠵱家都唔錯㗎，幾多人想移民嚟香港，所以你哋好幸福㗎，出聲幫佢多啲，讓佢做多啲嘢，咁就最好，大家和平，你挖佢瘡疤咁，大家都唔好聽啦。」