■王君馨與Daniel於美國行禮。香港文匯報訊（記者 植植）恭喜！恭喜！31歲的「花曼」王君馨（Grace）於美國時間6月11日同圈外男友Daniel於美國教堂低調行禮，「處女黨」好姊姊鍾嘉欣及李亞男傍實陪嫁，岑麗香要拍劇未能親自到場送上祝福。Grace表示同男友一齊已有11年11個月14日，現在正式成為章太!
君馨日前同拍拖逾11年的圈外男友Daniel在美國行禮，「處女黨」成員鍾嘉欣及李亞男傍實陪嫁，而好姊妹衛蘭、裕美等專程飛往參加。忙碌完一天，君馨接受香港文匯報越洋祝福時說：「早晨，昨晚(前晚)剛完成註冊，成為章太，當收到攝影師照片，會即向大家報喜訊。」Grace繼續開心地分享過程道：「我昨日（6月11日）在紐約同Daniel結咗婚啦，好嘢，哈哈！非常之開心，朝早一班姐妹幫我着褂，我們亦有斟茶畀父母，總之成件事都非常開心。嘉欣做咗我的大妗姐，因為我冇大妗姐，除了maid of honor（伴娘）仲是大妗姐。」
李亞男獻聲賀新人
而一班姐妹亦十分有心，特別以Rap歌形式作咗首歌，姊妹鍾嘉欣及李亞男仲齊齊獻聲即場唱出祝賀新人，Grace話：「佢哋好sweet，準備咗十分鐘的sharing，同埋加咗Rap歌，Rap咗好sweet的詞畀我同我老公仔。」婚禮成個過程既溫馨又感動，場內仲播返Grace同Daniel拍拖、Grace選美時的相片，Grace話嘉賓好多都感動到喊，而一對新人當然既感動又開心，跟住Grace仲大呼自己已正式榮升章太，話：「好開心，我哋相識11年11個月14日已經過咗啊，我今日係章太，下個月11號見啦，我好幸福。」
至於未能出席Grace美國紐約婚禮的岑麗香，接受香港文匯報電話訪問時笑說：「我都要等新娘子公佈先，我唔可以搶先講咗！因為我拍攝緊《溏心風暴3》，所以度唔到期，去唔到佢呢個咁浪漫的紐約婚禮，所以我期待他們七月在香港的婚禮。都好開心，他們在那邊一結婚，我都見到好多相。當然祝福她們新婚快樂、白頭到老、一生一世都開開心心！」