第二場、第五班、一六五○米。「自由飛翔」來自愛爾蘭較為遲熟，頻頻上陣減分，目前來到五班終於見迴旋餘地，三月尾於谷草一哩排十一檔仍可初次打入三甲；前仗回升四班，排外檔起步跟快步速下放散；上次重返五班被捧成三倍大熱門，雖然未能上名，但都跑第五取得獎金；賽後再獲恩恤減多兩分，目前評三十七分新低位，今次打王牌再來有力打開勝門。
第四場、第四班、一八○○米。葉廄上年中喺胡森手上接收隻「風采」，今季初一出即勝，到三月份再贏，有麝自然香，馬主鄭龍敦都好識做，不久前將團體馬「僥倖」拉埋過嚟，「僥倖」呢匹大告今季開齋馬，跑廿一場只得一W，而阿航馬房又爆棚，照收「僥倖」擺明計過數，不過隻馬未跑得住，如果要報答馬主，今晚「風采」梗係要再交功課，前仗同程僅輸頸位獲季，今次補中厚望。
第七場、第三班、一二○○米。沈集成馬房的四歲馬「理想回報」，在英國服役時九戰得一冠兩亞一季，贏馬路程為千四米，在港同父馬如「軍歌」及「主力艦」等俱擅跑谷中窄場。而此駒馬主之一為前騎師嚴顯強，與當年支持他的「快步速」馬主戴偉賢合夥所養，而後者另一駒「幾叻仔」更是由嚴顯強引入，可見兩人關係深厚。「理想回報」經兩場泥賽熱身後，轉窄場提防一網打盡。