■小齊收到的大利是成吋厚。香港文匯報訊 昨日是任賢齊（小齊）的51歲生辰，前晚其老闆林建岳博士、亦師亦友的杜琪峯導演（杜Sir）和好友古天樂等， 為他舉行生日飯局，一齊唱生日歌、切蛋糕和食壽包。小齊果然是好男人，經理人送他大利是，他全數捐給「鮮浪潮」以行動支持香港電影創作人才。席上眾人見到成吋厚的利是都嘩然，小齊不肯透露金額，但強調全是港幣。小齊生日願望是身體健康，而連日來得到好朋友們的祝福和禮物，他高呼：「我好幸福啊！」
多謝杜Sir獨具慧眼
而身為「鮮浪潮」發起人兼主席杜Sir就送小齊一支限量版「杜琪峯酒」做生日禮物，還在印有他肖像的酒盒上簽名留念。小齊開心地說：「因為我好少飲酒，而且呢支酒咁有紀念價值，我會好好珍藏，好快就成為全球唯一一支，更加珍貴！」小齊表示非常敬佩杜Sir，他說：「我一直都係演好男人、正派角色，十幾年前杜Sir叫我在《大事件》演大賊喎，當時我話我唔識演，但佢話『 嚟到現場就演到㗎啦！』，結果去到片場有杜Sir指導，我真係演到，大家都對我另眼相看。幾年後杜Sir再搵我在《 樹大招風》演悍匪，不但有機會提名影帝，之後仲有好多好多劇本搵我演反派、大賊，證明大家都認同我的演技，好開心，真係要多謝杜Sir獨具慧眼！」
聽到小齊把聲沙沙地，原來早前他在加拿大舉行演唱會時太high，與台下觀眾一齊又唱又叫，太忘我而失聲，他笑說：「我在加拿大開騷期間好健康，日日跑步做運動，狀態好好，點知開騷時台下觀眾非常熱情，搞到我都high埋一份，完騷就失聲囉！」 對於老闆和好朋友們為他準備的生日飯局，小齊表示好感動和開心， 他說：「好多謝大家送我禮物和祝福，我好幸福啊！近日因為收到好多劇本和剛從加拿大演出回港，還未適應時差，頭有點暈，聲音有點沙啞，我會好好保重，祝自己和大家都身體健康 ！」