江若琳香港文匯報訊（記者 梁靜儀）江若琳（Elanne）、陳明熹及組合Dear Jane昨日以「校園推廣大使」身份到香港電台出席《有聲好書》活動，活動上眾人分享閱讀心得。
Elanne受訪時透露近日忙於籌備9月9日至10日假九展舉行的演唱會，相隔7年再開騷，問有什麼嘉賓？她說：「當然想邀請到女神周慧敏，還有2007年的同屆新人，包括有陳柏宇、鍾舒漫、小肥及HotCha等，（男友蕭潤邦都是07年新人？）佢嚟送外賣啦，送午餐、晚餐，餵飽工作人員。（唔做嘉賓？）唔好搞佢，佢現在好薄皮，驚鏡頭，唱歌會手騰腳震，包吓包算啦。」 Elanne透露今次開騷及出碟自資了6位數，問她男友可會包起很多個唱飛？她笑說：「除咗包生煎包，佢會包飛請親友睇。（見埋家長？）見咗好耐喇，打聲招呼都要，（完成個唱下一步夢想是否結婚？）咁快？畀我唱多陣先，工作還工作。」Elanne不諱言女仔一定有結婚計劃，但他們才拍拖幾個月，當日選對方就覺得他是對的人，希望一齊行到最後。