■民建聯沙田支部fb近日上載惡搞圖，諷刺梁繼昌、郭榮鏗與李國麟缺席多。 fb截圖反對派口講好重視香港發展，但大家睇吓立法會財務委員會主席波哥（陳健波）昨日嘅記者會，就知道佢哋為咗鬥氣，可以完全罔顧市民福祉。民建聯沙田支部fb專頁近日上載惡搞圖，點出在剛結束的立法會會期，「專業議政」的立法會議員梁繼昌、郭榮鏗，同埋李國麟齊齊攞咗缺席投票嘅三甲。
非建制平均43%投票缺席
呢張惡搞圖並非無的放矢，而係基於事實。網媒《立場新聞》此前統計咗截至7月12日止立法會大會、財委會、內委會中包括政府提交的法案及預算案等、議員提交的各項修訂案的超過520項投票記錄，結果發現在全體議員中，反對派陣營的缺席投票比例遠比建制派高：整個非建制陣營的平均缺席投票的比例為43%，建制派的缺席投票比例只是22%。
報道指，缺席投票數最多嘅首十名議員，反對派佔去6人，其中3人就成為「3甲」。居首位的梁繼昌，就缺席投票了404次，即近七成八議案沒有在席投票。其中，在由反對派提出的185項修正案，梁繼昌在大部分修正案中也缺席投票。
梁認很多修正案「無聊瑣碎」
梁繼昌當時回覆《立場》話，其中很多修正案都無聊瑣碎喎。喂阿哥，既然知道反對派嘅修訂無聊瑣碎，點解又唔勸吓你嘅同道人收手，唔好浪費議會時間同公帑，而係撓（蹺）埋雙手食花生？
不過，第二位嘅郭榮鏗都唔弱，520次投票就缺席咗投票達400次，李國麟就以缺席投票399次排第三，其餘依次為教育界的葉建源、資訊科技界的莫乃光、民主黨的涂謹申。如計算參與投票次數，投票率最高的首四位，均為功能組別中的建制派議員，包括金融界的陳振英、保險界的陳健波、進出口界的黃定光。反對派則只有「人民力量」陳志全上榜。 ■香港文匯報記者 羅旦