■志偉指阿倫似中狀元般開心。香港文匯報訊（記者 梁靜儀）曾志偉、萬綺雯、張雷、魯振順、黃韻材及黃文慧等昨到鑽石山出席志蓮淨苑「中秋福餅義賣」，吸引不少市民購買，所有籌集經費均撥捐「志蓮淨苑教育基金」支持推廣文化教育事業。
曾志偉被問到好友譚詠麟上載兒子曉風牛津大學碩士畢業的相片，志偉也替好友兒子學業有成開心，並笑說：「巴閉啦，開心到呢，未見過阿倫笑得咁甜，平時講起個仔好神秘，現在就一輪咀，又話咩獎學金、牛津，好似中狀元咁，不知幾開心。（阿倫仲着畢業袍同戴四方帽？）冇辦法，佢一生人讀唔到書，都戥佢開心，不過個仔又靚仔，咁有錢又唔使畀錢讀書，世界就係咁唔公平，不過個仔真係好乖。」問到阿倫回港後可會約他慶祝？志偉笑說一定要阿倫請食飯：「要聽佢發表偉論，個世界咁奇怪，佢做咁多呢啲嘢都可以咁，（做啲乜嘢？）好嘢，好嘢！」志偉又稱曉風什麼都有，也不知買什麼送給他。
問到曉風可有拍拖？志偉稱沒聽說，但他沒其父那麼惹桃花。至於曉風會否入娛樂圈？志偉估計應該不會：「佢讀咁多書咁叻，入行阿倫一定會『毒打』佢，即係獨自一個人打牙骹。（現時考到十優都入行）呢行人見人好，唔係個個都得，讀到書應該帶挈世叔伯投資，（曉風讀工程科學？）咁咪投資起樓囉！幾巴閉呀。」志偉又透露稍後會與家人三代同堂去泰國旅行。
萬綺雯想再做舞台劇
已第四、五年幫手義賣福餅的萬綺雯（蚊蚊）表示有時間就來幫手。剛演出完舞台劇的蚊蚊，透露現正休息。問到可有出埠旅行？她表示近年半都忙於演出舞台劇，有時間想跟朋友見面，加上天氣又熱，所以沒去旅行。談到工作，蚊蚊表示正洽談下半年的工作，有機會都想再做舞台劇，問到是否上了癮？她笑說：「自己都好鍾意，因為有足夠時間綵排，我唔係太快得，又有得瞓，舞台劇最夜都係排到十一點，（幾時再拍劇？）希望兩邊平衡到，好幸運試到唔同工作。」
早前蚊蚊與香港無障礙劇團六十位不同障別的成員合演舞台劇，身邊的朋友都睇到喊，現在有時間她都會去探望他們一起做運動，跟他們一起成長。