■葛立忻指香港的城市規劃過於單一。「即時的掌聲個個都鍾意，但你諗吓係咪（應該）為咗即時的掌聲而去做嘢？定面對困難時迎難而上？掌聲一時間可能冇，但當十年、廿年後可能愈來愈響。」謝偉銓無奈地表示：「香港有一個現象，支持你嘅人唔會講出嚟，反對你嘅人就會大聲講。我哋就係想講啱嘅嘢，但呢樣嘢幾時會慢慢轉變？」
「港地用途過於單一」
對於最近熱議的發展郊野公園等，謝偉銓說：「唔係完全唔可以諗㗎嘛，可以善用，關鍵係點樣令郊野公園更能發揮作用，又可解決居住問題。」他批評香港的土地用途過於單一：「路就只係路，工程師的責任就係諗點樣可以安全、快捷、造價平啲；天橋底的空間點利用之前亦有講過，如果起橋時有諗到，就可以善用個空間，用途就會多元化。」
「佰合」短片製作成員之一葛立忻說：「有時啲人話政府做郊野公園，即係唔做棕土，但其實棕土好複雜㗎嘛，咁多個地主，又有私人發展商擁有的地，唔係話做就做。政府已經好明顯想做棕土，你踢佢都無用（不可能再加快發展）。嗰件事本身複雜，與其不斷去鬧去踢，不如諗吓以前難用的地，可唔可以用創意用設計，去開發多啲新的出路。」
葛立忻不諱言：「郊野公園係絕對要掂的課題」。他舉例，政府現正積極考慮透過非原址換地方式，以大埔船灣已修復堆填區土地，換取同區沙螺洞內具高生態價值的私人土地，以長遠保育沙螺洞。「香港好少做（非原址換地），其實外國已經好常用，但港府行咗一條路出嚟，有幾多人會讚佢呢？」
「郊野公園絕對要掂」
過去政府每次大型規劃，幾乎無一倖免遭到市場激烈反對，但葛立忻認為不應因噎廢食。「香港過去更加專注喺短期利益上，忽視長期發展，希望之後考慮長遠啲。」
「城郊合一」短片製作成員之一郭訟揚認為，港府未來應該更加着重與各界溝通：「即時的掌聲係咪代表長線就唔好呢？好視乎人的學識去到邊，當大家都一致知道你為長遠做，我都畀掌聲你，所以溝通係好重要。當政府做啲嘢係為長遠的貢獻，要好有效咁溝通講畀市民聽，畀大家知道。」