香港文匯報訊 宅男女神「沙律」張沛樂、索模楊舒婷（Sadelle）及「咪神」陳偉琪（Vicky）到會展出席動漫電玩節活動，宣傳VR虛擬女友遊戲。大會邀請三位男士上台，着他們撩女神傾偈，其中一位怕醜仔面對Vicky即口窒窒，
Vicky表示今次是首次參與VR遊戲角色，有性感泳衣鏡頭，而其中兩幕印象非常深刻，首先她要在日本東京街頭因感情問題傷心痛哭，當日又凍又肚餓。而另一幕則與男玩家禁室培慾，在男玩家的幻想世界中以生果挑逗對方，她說：「其實都有啲尷尬嘅，但因為已經係拍到凌晨三四點，拍埋就可以收工，所以都豁咗出去！」問到會否怕成為宅男的性幻想對象？Vicky說：「呢樣控制唔到，但我相信唔會。」
沙律在遊戲中扮演一隻小狗，之後化身為人上演一段向男主人報恩的故事，遊戲中她要經常扮可愛，沙律自嘲平日性格Man爆，今次要以天真形象示人，自己也接受不了。問到男朋友玩過呢個遊戲未？沙律說：「未呀！我們都好期待，我估佢應該會頂唔順，會笑我！不過明白係角色，對象係觀眾。（佢有冇要求你扮嗲？）沒有，其實我有時仲Man過佢。(穿泳衣場面怕成為玩家性幻想對象？)我係一隻可愛天真的小狗，咩都冇諗，其實我接呢個工作係想磨練演技！」