所謂血濃於水，喺澳門俾「天鴿」蹂躪完之後，駐澳部隊出動幫手救災，符合澳門基本法兼跟足晒程序，不過「熱狗」主席蟲泰（鄭松泰）反上腦，竟然話駐澳部隊比十號風「危險」好多。咁無同理心，自然畀港澳網民齊心畀「嬲」啦，不過佢連「公眾係白痴」都講得出，仲有乜講唔出？
蟲泰喺駐澳部隊出動當日，就急不及待喺facebook抽水，話乜嘢「十號風球同解放軍比，我覺得後者危險好多」。雖然佢加返「澳門人加油平安無事」呢個hashtag（主題標籤）做頭盔，但都避唔過網民非議。
相信係澳門人嘅「Enoch Hui」叫蟲泰唔好搞分化，「應要不分義工、前線人員、解放軍又好，回復返澳門安定最重要。」「Amy Woo」強調救災要緊，由於澳門人口稠密加上天氣濕熱，如果唔盡快清理，會有爆發疫症嘅風險，「駐軍入城危唔危險的討論不急於此時，如果鄭議員另有什麼能迅速救災良策倒不妨建議一下」，即係寸蟲泰打嘴炮啫。
「Penny Lok」就好火爆咁話：「你條×頭真係跌咗個腦，個風唔係打喺你身上你梗係咁講啦，你試吓你間屋浸晒，屋企啲嘢無晒，你仲講唔講得出口？你同受災嗰啲人講，你寧願畀颱風吹到乜都無晒，都好過解放軍幫你執垃圾，你睇吓�哋會唔會攞磚頭拍你個冚×剷？」
「威奇」質疑蟲泰樣樣都政治化，「無水飲無涼沖唔叫解放軍可以點呢﹖唔係樣樣都政治化啦北大博士」，仲爆蟲泰unfriend（取消成為朋友）咗吽C呢個時候「熱狗」班「水泥隊」就出嚟護主嘞，「Constantine Chan」就反擊話「叫咗解放軍就有水沖涼㗎」，蟲泰自己亦都回覆話「第一句已經睇唔明」。
既然喺網上抽水，不如過大海幫吓啲低窪地區抽水，順便感受吓啲居民幾慘！呀唔係喎，佢入到境先講啦！ ■香港文匯報記者 陳庭佳