香港文匯報訊（記者 植植）前港姐麥明詩（Louisa）昨日出席手工啤酒節活動，她表示高中在外國讀書時，周末會出外Happy Hour。對於前晚選港姐，Louisa表示有留意及關心決賽，網民不滿嘟嘟（鄭裕玲）有投票特權，所投決定性的兩票是否公平？Louisa說：「我覺得呢個世界都冇咩絕對公平，有個平台可以畀觀眾睇到努力地演繹自己，某程度上都係種公平。（三甲都係你心水？）我真係貼中冠軍（雷莊𠒇）同季軍（黃瑋琦），都係睇當晚演出，唔係睇樣貌。雷莊𠒇比較自然投入，感覺呢個女仔好Charm（魅力），樣已經係其次，我覺得佢好有諗法，想令人知佢多些。（伍樂怡大熱倒灶你點睇？）我本身貼咗佢會拎亞軍，都為佢感可惜，但名次冇所謂，可能有觀眾覺得唔抵，但繼續有人氣支持一定會有更多工作機會。」