■千葉真一(左)與江美儀互讚。江美儀以名古屋旅遊大使身份隨李居明粵劇世界巡演之旅出發到日本，睇戲兼觀光，一去到就被同團戲迷追問《同盟》的劇情，但美儀堅持不肯劇透，直到大結局出街後才講。她解釋：「當日監製找她演出時，講明條件，只有五集戲更不可以劇透，所以要一直封口，連宣傳時同記者也不可以講。雖然自己拍了5集而且在沒有宣傳的情況下都有不錯的口碑，好多人關注自己都好開心，好感恩。好多人都讚我與鮑姐較量演技好好，個劇收超過29點，自己都交了功課。同鮑姐於ATV年代已認識，好有默契。」
今次江美儀睇了兩場粵劇，問到美儀可有興趣演粵劇？美儀表示見到老倌演、唱、做手都很不簡單，怕自己唱不到，但如果做舞台劇就好有興趣。美儀表示今次日本睇粵劇，最開心是見到自己偶像千葉真一。「千葉真一已經70多歲仍腰板挺直，有如此身形，好勁！好厲害！所以見到佢，我都有主動行埋去同佢合照，千葉仲主動同我講，如果有劇本合適可否找我一齊拍，我話當然可以啦，我十分樂意，偶像主動找我演出更高興，我叫佢聯絡李師傅，我的日本工作交由他做代理人，哈哈！」