香港文匯報訊 JW昨日到電台受訪。最近趕做新歌的她，希望能趕在明年一月舉行的紅館個唱前推出，並透露演唱會主題是「Never too early」，現在心情已經好興奮，一直有睇演唱會參考。
JW亦透露今次會有跳勁舞的特別環節，但不是辣身舞，問是否男友不讓跳？她否認說：「我覺得自己跳唔出，啲歌會係抒情，我又唔係走嗰個路線。」歌衫方面，JW交由設計師負責，但她直言都傾向較為保守。
此外，談到容祖兒早前預告今年將不出席頒獎禮，有人認為JW有機會接棒攞女歌手金獎，JW對此謙稱反看好衛蘭接捧，：「我要儲多啲歌同經驗先，其實我覺得轉咗新公司才算係真正入行，現在都只係2、3年時間，仲要一段好長的路，（之前你加入黎明公司唔當入咗行？）那時我仲要讀書，係part time，所以唔係入咗行7年咁耐。」