■張崇德、劉美娟夫婦出席新書分享會。香港文匯報訊（記者 梁靜儀）張崇德與太太劉美娟昨日到將軍澳出席新書《藝人/倪人? 》分享會。劉美娟指雖然新書講明不是爆料，但很多人睇了後就會對藝人多些了解：「原來好多人對藝人誤解咗，好多時大家喺電視睇咗就會將藝人定咗型，本書係講藝人都係一個有血有肉有情緒嘅人，希望大家可以保護肯出來講真話嘅藝人。」問到可曾試過被誤會？張崇德直言有試過：「藝人有時好無奈，好似最近有人搵我做嘢，我一早就話冇期唔得，但對方就話我因為另一個job酬勞高啲話我揀job做，其實唔係，所以幾慘，有時搵唔到對口人，中間人鍾意點講就點講。」他又指有一次朋友幫他接了一個學校講座，但就忘記通知他，剛巧當日他有工作不能出席，於是中間人就叫他推說臨時有工作不能出席，但因為宣傳橫額都印上了他會出席，所以他拒絕講大話，於是找機會聯絡校長，再約另一時間再出席活動。劉美娟自爆亦曾被邀請出席售票活動，對方問了他們的檔期，就以為他們會答應出席，到最後他們沒有出現就會入晒他們數，所以他們一定會追究。
提到他們的細女前日9歲生日，他們透露專誠訂了一個跳舞鞋蛋糕。劉美娟指女兒每年都很期待爸爸的禮物，因為他會將過去一年的生活片段剪輯成短片，以往會用一個月來做片，不過因為今年老公要做音樂劇，每晚除了睇《壹號皇庭》重播就是剪片。劉美娟希望將來由子女整短片回給他們，兒子現在已開始跟爸爸學剪片。