■吳浩康聽到Mani的話很感動。香港文匯報訊（記者 植植）吳浩康（Deep）將於12月10日在九展舉行「吳浩康LISTEN TO DEEP LIVE 2017」，昨日Deep舉行記者會，經理人霍汶希（Mani）亦上台給Deep打氣。講到暫時只得一場，他坦言對自己來說多多都不夠，加場就留待公司安排，他已有8年未開大型演唱會，感激公司上下都來撐他及信任他。現努力操Fit上台，不會想將來還有否演唱會機會，會專心去做好這一次。
在英皇16年，過去所犯的錯失公司仍對他不離不棄？Deep坦言公司對自己已經係超越咗一間公司對藝人的關係。霍汶希上台的肺腑之言令Deep眼濕濕，Mani在台上說：「Deep經歷的高低起跌，我身為佢經理人係好深刻。」Deep愧疚說：「 你最肉酸的相都係我帶挈你。」Mani謂：「衰嘢，唔好嘢，唔好再講啦，每個人都有錯過， 沒人可以放逐你，只有你放逐自己， 你行好你的路，全英皇上下都會支持你，你下一站就係紅館。我覺得佢錯失咗黃金機會，但唔緊要佢仲好年輕有佢本錢。」又望着Deep說：「你知你呃過我啦，仲唔止一次，但我覺得今年阿Deep成熟咗好多，人有成長就有經歷。 前幾年Deep媽咪離開咗，Deep有日同我講『家姐，我好後悔，媽咪喺度的時候我冇好好表現畀佢睇，亦冇畀到幸福佢。』」Deep聽到Mani憶述當年話即時眼濕濕。Mani即鼓勵Deep叫他做好工作，因他的母親會知道的。