■張彥博的嫲嫲相當精靈。香港文匯報訊 張彥博為了趁中秋佳節向各界送上祝福，早前特意抽空拍攝歌曲《圓缺》MV，更請來已達93歲高齡的嫲嫲客串演出。
現場所見，嫲嫲完全不像已經年過90歲，氣色極好的她，不但行動自如，更能精靈地回應張彥博及導演的要求，又不時與現場工作人員閒聊，看來「逆齡」這個特質絕對有遺傳。雖然嫲嫲這麼精叻，但張彥博還是大為緊張，除了趁不用埋位時與嫲嫲聊天外，每當轉場時，他都必定拖實嫲嫲一齊行，場面溫馨。
張彥博坦言拍攝時都好感動：「我拖住嫲嫲一齊行嗰幕，睇番playback，見到嫲嫲嘅背影，我都好感動。因為我細個係爺爺嫲嫲同姨婆湊大，所以同佢哋close。好記得大概6歲嗰陣，有次做完節返屋企時，我撲上嫲嫲嘅背脊度想佢孭我，不過因為我太肉緊，竟然撞跌咗嫲嫲同搞到佢斷骨，但嫲嫲從來冇怪過我，而我後尾知道好大件事，所以內疚咗好耐。自此，我就更加珍惜嫲嫲，因為我知道佢係最錫我嘅人之一。」