■胡琳香港文匯報訊 胡琳（Bianca）近日忙於為新廣東歌《一天也不能少》宣傳， Bianca就話廣東話講了「幾十年」，唱歌時最容易表達情感： 「國語歌、英文歌都唱過唔少，但係用廣東話唱情歌特別好Feel ，起碼個腦唔使翻譯就知句歌詞講緊咩！」。
Bianca為灌錄新歌，更用中醫秘方養聲：「其實 都唔係咩秘方，我每次錄音都會用鹹竹蜂開聲，睇落就好恐怖咁，不過萬試萬靈，所以都習慣晒囉！我現在最頭痛就係，第三首廣東歌我會飛去美國錄音，到時唔知鹹竹蜂可唔可以入境，俾人扣關以為我走私昆蟲，咁就醜死怪。」。
胡琳笑言去美國錄音，係寓工作於娛樂：「我去睇騷唔好當我係去玩啊，因為我係去吸收靈感！除左錄音仲會同當地音樂人開會傾合作細節，但係我唔會成日上社交網站，費事公司知道我玩多過做野。」