■瞓醒了的陳瀅精力充沛。 彭子文 攝香港文匯報訊（記者 梁靜儀）曾志偉、陳瀅、任達華、車婉婉、林曉峰、梁烈唯及黃心美等，昨日到尖沙咀出席日本機能運動服飾品牌Descente旗艦店開張，志偉更處男下海首次行騷。
日前陳瀅出席活動時誤爆好姊妹王敏奕與曾國祥將於年底結婚，昨日陳瀅與志偉一起接受訪問時也顯得尷尬又驚青。問到亂爆料有否跟志偉說不好意思？陳瀅說：「冇爆呀！我只係將生日講錯成結婚。」
當傳媒恭喜志偉快做老爺時，最初他還不明所以，陳瀅即向他「自首」說：「真係唔好意思，係我未瞓醒，講錯佢哋（曾國祥、王敏奕）年尾結婚，今日知道志偉在場，個人醒晒。」志偉又搞笑反問陳瀅說：「幾時輪到你結婚？拍拖，直接啲，咁我爆你年底結婚啦，你啲姊妹都大肚啦！ 」志偉又指怪不得陳瀅那麼客氣，自投羅網，不停叫他志偉哥。陳瀅笑說嚇到出手汗。問到志偉會否想快點做老爺？他笑說：「我都想，佢哋開心就得，隨緣啦，（想飲新抱茶？抱孫？）都好啊！一齊嚟，手續費都慳返，結婚都好，我廿歲就結婚，婚後會較定性，唔會心思思想周圍追女仔。」