香港文匯報訊 張繼聰和太太謝安琪（Kay）結婚10年，育有一子一女，夫妻現在亦各事業有成，令人欣羨。不過，張繼聰前晚感性發長文，並上載一張他出席2009年度《叱咤樂壇流行榜頒獎典禮》的截圖，透露他當年強忍嚴重抑鬱症，力撐Kay攞叱咤樂壇女歌手銀獎。
當年張繼聰在樂壇的成績麻麻，反觀Kay已走上樂壇天后之路，外界一度形容他倆是「女尊男卑」，甚至張繼聰更指曾被稱作「廢柴老公」，張繼聰留言道：「無意中睇到𠵱段片，好歡樂，唔係講七年前我個郁（Look）同髮型帶畀大家嘅歡樂，而係......七年前嘅依一日，當時嘅我可以話係考緊宇宙畀我嘅試......啱啱出世嘅朋友仔可以去歷史博物館查吓我當時嘅外號（疑指被封『廢柴老公』），就會略知一二。當時我嘅花朵真係好猛」
強忍不適力撐妻攞獎
他透露自己當年出席心情矛盾：「當時我嘅抑鬱病非常嚴重，非常想又非常怕去𠵱個Party。想去，係因為太太當時成績非常出色，我一定要喺現場支持佢同見證佢努力嘅成果。怕去，係因為我當時嘅成績非常冇乜成績......片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會畀人點嘲笑，總之九萬幾個層次又li又lu......」更指Kay當時亦患嚴重抑鬱：「同時台上嘅太太，成晚雖然得到好多個獎，其實當時嘅囮簃{病都好猛烈，承受好大嘅壓力，佢都係考緊宇宙畀佢嘅試......你話世界係幾奧妙？」
難關走過，張繼聰以「過來人」身份鼓勵大家：「快唔快樂，原來同得到幾多無關。快樂，其實係因，唔係果。如果你咁得閒睇到嚟𠵱度，朋友，我想講嘅係，每一個經歷其實冇乜意義，意義係由自己去界定，但係一定比你想像中美好同重要，就算當時係幾惡啃都好，好好行自己嘅路就掂。就好似我家吓睇番段片，發現原來嗰日唔係路障，而係加油站！令我選擇之後嘅路，決心尋找快樂同自在。亦係嗰日，令我更有勇氣去更多嘅頒獎禮，食更多嘅白果，所以你話，人生幾美好，根本就冇衰嘢。」