■眾人為胡杏兒慶祝生日。香港文匯報訊 胡杏兒自生下囝囝「Baby Lee」Brendan後，日日閉關坐月兼努力餵人奶。昨日是杏兒38歲生日，一班胡說八道會成員胡杏兒、胡定欣、胡蓓蔚、李施嬅、黃智雯同姚子羚，前晚去了杏兒屋企搞生日睡衣派對。李施嬅於網上分享相片及留言：「Happy birthday to偉大媽媽Myolie，見到你完全充滿愛，完全付出給BB和身邊的人，有點心痛你的辛苦，但是很感動的。今年生日特別有意義，等我哋一齊陪你坐月啦。Baby Brendon實在太搞鬼，表情多多，見到一班契媽的坐月妝都無眼睇。」李施嬅更打hashtag「Healthy and beautiful and happy always」一班契媽以淡妝示人都依然咁省鏡，契媽當中只有「豹嫂」胡蓓蔚着短褲仔晒美腿。
子羚都有喺微博貼相，留言：「Happy birthday to our pretty and incredible sis MYO~ 今年妳的生日更加有意義∼除咗有老公Philp...我們~仲有Baby Lee呢位咁可愛的家庭成員，相信係妳最好的生日禮物我們個噚晚終於親眼睇到妳做媽媽為自己BB∼所承受的一切！真係好感動，Proud of u..Myo！謝謝Philp為我們準備呢個坐月驚喜睡衣派對。」