■網民睇好馬國明有機會奪得台慶頒獎禮最佳男主角，馬明表示能否拿獎要講個人運氣。香港文匯報訊（記者 梁靜儀）無綫台慶劇《降魔的》演員馬國明、黃智雯、謝雪心、蔣志光、黃子恆及何遠東等，前晚相約在到尖沙咀齊齊打邊爐收睇劇集大結局，劇集播映以來反應理想，馬明更被網民睇好有機會憑該劇奪得台慶頒獎禮最佳男主角，馬明表示作為演員已盡了本分，能否拿獎要講個人運氣。問到馬明飯局是否由他埋單？他笑說：「係心姐(謝雪心)請食飯，因早前她在EYT節目贏得獎金，我都想稍後再請大家食飯。」對於大結局收視，他就表示隨緣，身旁的黃智雯就提議如果收視再高，他就露兩點答謝觀眾。馬明即時彈起，並笑說：「應該你露會有多些人睇。」
提到《降魔的》反應好，會否想開拍續集？馬明說：「雖則套劇好多角色都已經死咗，由於套劇係講鬼，劇本可以寫落去就冇問題，要睇監製和編審的意願。」對於被網民睇好有機會憑該劇奪得台慶頒獎禮最佳男主角，他又可有信心？馬明說： 「都係隨緣，做演員盡力去做好所演的角色，得唔得到就要睇個人運氣，好似之前馬來西亞頒獎禮，大家都睇係我同王浩信之爭，結果由三哥(苗僑偉)得獎，其實有好多人爭，唔咁簡單。」智雯表示是否開拍續集也沒所謂，又指續集角色來個大兜亂都冇問題。對於得獎她表示沒有奢望，倒希望劇集可以得「最佳劇集。」另外，何遠東在劇中的催淚戲被網民大讚，並封他為綠葉王，他開心地說：「我突然間由喜劇系變洋葱系， 綠葉王就唔敢當，戴耀明先係。」 問到可有信心得最佳男配角？ 他表示有得提名已經好叻 ， 對於獎項都是隨緣， 並透露稍後演出的新劇繼續催淚，覺得要再突破有點難度。