第一場、第五班、一六五○米。「戈寶」季內四戰全角逐此程，當中兩仗放入亞席，其實此類放頭馬，只要出閘順利及控制步速做得好，基本上已經可以發揮出應有水準，能否取勝則要視乎對手的發揮。上仗強配雷神因搶口放得過急，敗績可以抹去；今仗只要留放有度，有權坐位望贏。
第二場、第四班、一二○○米。「紅旗星將」上季跑姿較為稚嫩，跑過五仗仍然取得一亞一季兩殿，今季此駒踏入四歲，理應更進一步，但跑完三仗只獲一席殿軍，成績無疑令人感到失望，其實今季此駒已經養壯，一切枕戈待旦，可惜首兩仗均在谷草同程抽到外檔起步，被迫採用留後跑法，仍然一再追段勁；及至上仗抽到內檔起步，臨場立即捧至大熱門，可惜直路內閃未能一氣呵成展開衝刺，最後只獲第五名；復課經常見副練快跳教馬，今仗如由熱變冷隨時變身。
第七場、第四班、一六五○米。「珍珠旺」過去曾經四度勝出同班同程，雖然現年七歲，但退化程度未算太嚴重，尤其今季轉投麥菲文馬房後，首戰雖然在谷草同程後上不及，不過早段留到包尾之下，轉入直路更要移出最外疊，蝕位兼蝕形勢，但末段仍交出強橫追勁收復不少失地，計末段時間屬全場第二快；經過該場試馬味濃賽事後，今次捲土重來，有力贏馬省招牌。