■麥長青跟太太、仔女及陳豪、陳茵媺、楊怡、黎芷珊與錢國偉等慶祝50歲生日。香港文匯報訊 麥長青昨天踏入人生第五個十年，前晚難得跟太太、仔女及一班圈中好友，包括陳豪、陳茵媺、楊怡、黎芷珊與錢國偉等慶祝50大壽，麥長青透露，往年生日大多跟屋企人食飯慶祝，原本今年亦不例外，但因太太一句說話而倉卒地成就了今次生日派對。他說：「原本以為要開工，但臨時取消了，加上太太話50歲點都要搞慶祝活動，於是好倉卒地搞了今次生日派對，臨時臨急約一班朋友，好開心有咁多朋友賞面，雖然有朋友因為開工來不到，但我心裡非常感謝各位朋友的祝福。」
麥長青自言五十而知天命，他慨嘆今年身邊有朋友離世，亦有朋友因價值觀不同而疏遠或分道揚鑣，他說：「其實人生好似列車咁，有人上車、有人落車、有人轉車，每個人終點站不同，但最終都係要落車，呢個係人生必經階段，我到了人生50歲，會更珍惜身邊擁有的一切、活在當下、唔會刻意強求，感恩所有留在自己身邊、支持自己的人。」
提到生日願望，麥長青指最重要是家人及自己身體健康、自己日日有工開，「阿囡話我係搵錢的『奴隸獸』，佢話我的價值是開工搵錢供養他們，等他們大個之後供養返我，我都好期待自己退休等他們養我。」問到子女可有送生日禮物給他？麥長青笑言暫時未收到，表示只要太太、仔女在身邊，已是最好的生日禮物。