■支持聲音此起彼落，千嬅開始眼紅紅。香港文匯報訊 楊千嬅的紅館騷前晚踏入第6場演出，當晚尾聲時全場觀眾開手機電筒打拍子又大合唱，令千嬅唱《勇》時感動到邊唱邊喊！
每晚安哥環節，千嬅都會與觀眾互動，前晚觀眾反應非常熱情，千嬅唱完《野孩子》和《假如讓我說下去》後，表示要唱最後一首歌時，觀眾不肯，於是她再加唱《鍊金術》。之後又說：「好感謝大家呢種感情，人大咗無咁易表達呢種激動！」台下觀眾越叫越激烈，支持聲音此起彼落，千嬅開始眼紅紅，她深呼吸後說：「喂，你哋唔好整喊我呀！」然後她再唱多一首《勇》，全場觀眾自發開動手機電筒和大合唱，觀眾席一片漂亮星海，場面感人，千嬅終於忍不住邊唱邊喊。
之後她抹去眼淚，冷靜情緒後說：「我要用一首新歌作為演唱會結尾，因為歌詞表達我人生倒數到呢個階段嘅心聲，學識感恩和努力，好好咁用埋剩下嘅時間追求夢想、對身邊愛嘅人付出、回饋一直支持我嘅朋友，最重要活得健健康康，用自己能力去share畀別人。做呢個演唱會最大嘅目的，唔係晒運動有幾勁，係想大家進入我嘅腦袋，感受呢個心態，希望我自己呢份勇氣和能力，可以分享畀在座每位朋友。」