第六場、國際三級賽、一八○○米。近季一月盃經已不再是四歲馬大賽前哨戰，而今次東廄「中華盛世」是全場唯一的四歲馬，基於本身個子小，轉彎抹角靈活且具均速，廄主發掘到窄場屬本身最理想出路，即使評分已足夠角逐月中經典一哩賽，仍冀在此場再嚐甜頭而回，難得負磅比上兩仗更輕。回看此駒法國兩捷千四米，一次包尾沿內檔左穿右插後上輕勝，另一次起步後難穩定走勢，全程四疊一衝過晒對手；到港後成功改變戰略轉為放頭馬，憑此際進度正值如日方中，有力取得今季第三場頭馬。
第八場、第二班、一二○○米。賀賢馬房匹「真先生」，後勁相當可靠，季內五次渡江出戰谷草場地，在末段四百米分別造廿二點三秒至廿二點九秒不等；前仗改戰泥地千二米賽事，末段更交出快至廿一點九秒，季內未能勝出而屢屢跑入位置，只是運氣之神未曾眷顧而已；來到今次作季內第七個回合，同場快馬多確保有步速之餘，此場評分區域亦由近兩場的上限一○五分降低至今次的九十五分，少了一批班頂對手列陣相對有利，只要早中段可慳盡腳程，待入到直路馬群散開，此駒就可以將後勁盡情釋放，力爭季內首場勝仗。