第一場、第四班、一○○○米。賀賢馬房的「盈華盛甲」，上季末以超強後勁贏千二米，今捨此程改跑一千米，原因有可能是貪步速夠快，贏馬之役第二段快到廿二秒多，就此後來居上爆冷得手，同場亞季軍「你知我意」及「澤心星」，甚至第五「喜菜」之後都再贏；今次幕後安排兵行險着，難得同場對手未算強，賀賢馬房經已達四分一馬季久未贏馬，戰意肯定十分鮮明，半冷W分頭已值得一試。
第二場、第五班、一八○○米。方嘉柏馬房的「想贏就贏」，賽績上顯示屬四班不足五班有餘，雖然此駒季內七戰全部輸晒未有寸功，評分卻由五十三分減到得番現時三十八分水平，如今落到五班分區自然有優勢，況且「想贏就贏」上季初正正由雷神贏咗場五班谷草一哩，今次降班立即換人強配出擊，季內未交代馬戰意鮮明，機會絕對不能忽視。
第八場、第三班、一二○○米。麥菲文馬房的四歲自購馬「好吉利」，今季來港一出即勝谷中千二米，顯本身質素上乘，之後加分升上二班三戰卻無功而回，只屬回氣手法而已，最近兩戰復見好走勢，看來隨時間經已消化評分加幅，確定進度好，欣逢今仗回降三班作賽，雖然排十二檔起步，但對其後追跑法影響不太大，肯定可換來理想分頭回報，用回贏馬拍檔潘頓操刀，可坐位望贏。