■馬國明原來都有八卦蔡思貝的緋聞。香港文匯報訊（記者 梁靜儀）馬國明與蔡思貝昨日出席商場活動，二人除了即場獻唱，又與粉絲玩遊戲整風車和寫揮春，分勝負時馬明更搞氣氛扮獎門人說：「打和。」
馬明前晚與《降魔的》一眾演員出席慶功宴，被拍到飲到面紅紅的馬明否認有飲醉？他笑說：「我冇醉到，我冇咁渣嘅，我畀胡鴻鈞係咁隊（酒），但冇事，（短片中又話你不敢睇國際中華小姐競選？）唔係，我背着電視機，又食緊嘢，間中有望兩眼，但知道心穎做評判。（女友黃心穎靚啲？）審美觀各花入各眼，呢個moment我梗係話思貝靚啦。」
提到有報道指他早前與心穎出埠旅遊時豪飲豪食被榨乾？馬明否認說：「梗係唔係啦，我成日都話自己窮，身邊好多朋友都有錢過我。（同心穎出街係咪你畀錢？）唔係，各有各畀，我請食飯，佢請睇戲。（影到你去睇車，送車畀心穎？）梗係唔係，係返去做定期驗車，希望稅局同公司唔好誤會，學阿姐話齋，希望公司加人工。」
「紅底」長年放櫃底
台上馬明透露過年時，家人除了會買桃花，踏入年初一當晚會全家一齊食齋，又會買紅色內衣，就算唔着都放在衣櫃。問到新一年買了紅色內衣了嗎？馬明笑說：「屋企有條『紅底』，好似道符咁擺喺衣櫃底，如果畀蟲咬至會掉。」問到如何慶祝情人節？馬明表示還未可以收爐，情人節已接了工作，農曆新年後將開拍新劇並再次飾演醫生。提早與心穎慶祝？他表示未知，因為女友都要拍劇，比他還要忙。至於會否買禮物？他就賣關子說：「呢啲唔話你聽啦，呢啲要surprise。」
蔡思貝被問到情人節要否開工時，身旁的馬明就取笑她：「你好多兵㗎嘛，聽講， 我都係睇雜誌咋，當然唔信啦。」她表示還未知道情人節可要開工，希望有工作。記者追問她與緋聞男友麥秋成，還是最近傳出緋聞的余德丞過？她指與麥秋成是好友關係，並表示現時希望專注事業。她又說：「二月重要日子唔係14號，6號先係，係我27歲生日。」現年43歲的馬明聞言即說：「好後生啫，我生得你出，我都想有咁大個女。」說到他的女友心穎也是廿幾歲，他即笑說：「唔係睇年紀。」馬明又提議思貝找個好男人養，說到心穎已經找到個好男人養，他就笑着否認。