■偉仔直言今次拍喜劇把他難倒。香港文匯報訊（記者 梁靜儀）多年沒拍賀歲片的梁朝偉（偉仔），其主演的奇幻喜劇《捉妖記2》將會陪大家過新年，偉仔表示拍這部戲很開心，並透露電影公司有意開拍外傳。偉仔與太太劉嘉玲今年同有賀歲喜劇上映，他認為自己比太太更搞笑，覺得以前自己太嚴肅，隨年齡漸長明白到很多事不需要太計較，笑看人生！
偉仔表示接拍奇幻電影，是因為之前他在上海拍攝《擺渡人》，空閒時他會看很多電影，「睇了《捉》片第一集，令我回想小時候睇卡通片感覺，而今次有份演出的白百何，亦是我喜歡的演員，覺得對方在《失戀33天》演出不俗，後來老闆畀劇本我睇，發覺角色好得意。導演許誠毅好好人，好善良，好有童心，一起工作好開心，團隊又好專業。雖然比較辛苦，因為開工頭兩星期正值北京嚴寒，還要在零下十幾度下拍通宵外景，真的很難頂，除了天氣惡劣外，整件事合作得好開心。」曾主持兒童節目《430穿梭機》的偉仔笑說：「我冇諗過35年前做兒童節目，35年後仲可以拍一部畀細路仔睇嘅電影，都幾得意呀。」
將拍《捉妖記外傳》
問到之後會否多拍喜劇？偉仔笑着說：「唔知呀，我鍾意拍喜劇，不過之前連續拍了3部電影，包括《歐洲攻略》、《風再起時》及《捉妖記2》，要休息一下，還想有多啲時間陪媽媽，陪她四圍去食吓、行吓，所以今年會減產。」不過偉仔的粉絲不用擔心，偉仔透露老闆江志強已向他度期，今年會拍《捉妖記外傳》。
偉仔演技已是毋庸置疑，但他卻指今次拍喜劇把他難倒，他謂戲中跟幾隻卡通人物有對手戲，但拍攝時他就要對住空氣演出，事前要做多些功課，偉仔說：「我要諗埋它們嘅表情先至識畀反應，所以問江老要加我人工！（拍到人格分裂？）又不會，只係要諗埋對手反應。（肢體動作不敢亂郁？）唯一一個最難難度係我和笨笨，因為我哋同是天涯淪落人，好兄弟，不時鬥嘴，但心卻好鍾意對方，我問導演『可唔可以攬住笨笨？』導演話『唔得喎，因為好難畫』，『瞓喺囧{上鬧它得唔得？』導演又話『唔得，最好唔好貼到它』，我諗如果冇身體接觸，無法感受到， 暫時技術上解決唔到嘅難題， 我叫導演快啲諗辦法，還有下集要拍，仲有排戲嘅時候可以擺笨笨喺隔籬，但拍攝時就會拿開笨笨，不過經過今次嘅經驗，對下次創作同設計嘅想法應該有幫助。」
自言自語做返平時
拍戲那段時間他又會否經常自言自語？偉仔笑言平時都是自言自語：「我做返平時，我覺得仲好，控制喺我手上，不用被對手拖累。」訪問期間，風趣幽默的偉仔，跟以往的沉默寡言很不同，令旁人也感受到他的開心，問到他拍完這部喜劇，是否人也開心了？偉仔承認 跟他們合作真的很開心，很多幕後班底都是識於微時，例如製片是他在訓練班時已認識的，他們在浸會讀傳理系時，對方的畢業作品都是他演出的，導演又好好人，好難得。
今個新年，太太劉嘉玲也有賀歲片上映，嘉玲也稱拍完喜劇人都開心了，問到偉仔心情好跟拍了喜劇是否有點關係？偉仔帶笑說：「唔知有冇關，總有啲關係。」
嘉玲又自誇演技比老公好，故不用請教他演喜劇心得，問到偉仔時，他就笑說：「係呀，梗係冇啦，好過我使乜請教？佢只批評我，唔係批評，畀吓意見，指教吓。」問到偉仔覺得誰的演技較好？偉仔稱從不覺得誰的演技較好，因每個演員都不一樣，有自己的演繹風格，除非大家演同一個角色才有比較。
不過當問到他跟嘉玲哪個更搞笑？偉仔就不禮讓道：「我搞笑啲，隨着年齡關係，好多事情毋須太認真，有時可以回復到好似細路仔咁傻氣啲，有時可以幽默下，（開竅？）係囉， 我覺得以前嚴肅咗啲，（什麼事令你開竅？）唔係一、兩件事情影響，係明白到好多嘢唔需要太過認真，唔需要咁計較，笑看人生。（嘉玲喜歡你認真還是搞笑？）兩者都鍾意， 當然喺嚴肅中帶小小幽默。」