■Sammi偕阿Bob等人大放笑彈。香港文匯報訊（記者 植植）由黃子華與佘詩曼主演的賀歲笑片《棟篤特工》， 將於本月15日上映，片中子華當然發揮其抵死幽默風格，阿佘亦有不一樣的「樣衰」 演繹，但除了兩位男女主角及主要演員 C 君、蘇麗珊等，仗義客串的紅星更是超級多兼爆驚喜，當中有影帝、影后、天后、視后等人氣演員，最難得是每位出場都夠特別又sharp醒！
自稱「 票房毒藥」的子華獲眾多巨星朋友友情客串，實在無言感激，所以子華特別自拍了一條接近 8 分鐘的鳴謝系列短片，逐一答謝28位巨星、紅星的幫忙，名單包括鄭秀文（Sammi）、楊千嬅、許冠文、譚詠麟、 張智霖、蔡少芬、鄭丹瑞、鄭中基、吳君如、草蜢、王敏德、 鄧兆尊、張繼聰、張達明、苑瓊丹、盧海鵬、許紹雄、林雪、羅蘭、 鄭欣宜、林子善、張國強、詹瑞文、湯鎮業、盧惠光、白只等。
子華在片中表示：「拍呢套《棟篤特工》係破咗我人生紀錄， 我從來冇試過一次過欠咁多人欠咁多嘢，今日喺度畀啲耐性， 容許我一次過多謝番咁多位幫過忙嘅朋友，無償、衷心嚟拯救我呢個票房毒藥嘅朋友，多謝你哋。」子華感謝Sammi自己set頭搞造型，「佢嚟幫我哋手， 就唔單止就咁嚟幫，自己set 晒頭、造晒型咁樣先至走嚟幫我哋扮演戲裡面個巨星， 就係鄭秀文本身。多謝晒。」談到楊千嬅，子華更直言自己本來不認識對方，「我唔識千嬅㗎嘛，佢嚟到， 我真係忍唔住問，你做咩嚟幫我哋嘅？我好記得佢話，因為好玩囉， 即係有啲咁嘅人嘅，呢個世界？ 十分感謝呢個世界仲有啲咁鍾意玩嘅人，唔該晒，千嬅。」