■陳鍵鋒香港文匯報訊（記者 植植）藝人楊思琦、陳鍵鋒（Samuel）、李雨陽及何華超等到將軍澳為劇集《火速救兵IV》舉行開鏡禮，眾人以劇中造型現身，介紹角色及上香祈求拍攝順利。
受訪時，說到很少回港工作，Samuel笑言是一年一度慶回歸，但很喜歡為電台拍劇，因為時間較短和故事很吸引，又指這系列已邀請他合作3、4年，不過遷就不到時間，今次就終於拍到。劇中Samuel演坍塌搜救（USAR）專隊隊長，他直言之前不太了解這專隊：「近年就比較多人熟悉，但唔係好想見到佢哋咁多，譬如過年前大埔單意外就有佢哋協助，因為要固定現場環境同鋸開啲嘢帶傷者出來。(角色可算辛苦？)始終隊員同隊長有啲分別，隊長可以指手畫腳、負責諗嘢。我想藉呢個機會畀大家諗吓�哋每日工作的心理壓力好大，所以要支持同愛錫消防員。」Samuel表示剛完成抽血員文憑，因為要急救，本身以為咁啱搵自己演救護員，但原來係坍塌搜救隊，都幾有興趣。
另外，思琦妹坦言恨拍這劇集很久，自己好鍾意做制服團隊，除咗警察之外，都諗過做消防，不過體力真係唔得。今次做唔到消防行列都唔可惜，因為會畀佢哋拯救。