■馬國明、唐詩詠及黃家樂再次合作。香港文匯報訊（記者 梁靜儀）郭晉安（安仔）、馬國明（馬明）、唐詩詠、李佳芯（Ali）、馮盈盈、何廣沛及張曦雯等昨日出席無綫新劇《白色強人》造型記者會。首演醫生的詩詠，直言怕血，更試過見到自己的血滴落地就暈了，馬明則笑言可即場人工呼吸。
劇中飾演心胸肺外科主管的馬明，笑言劇中角色不求名、利和權，詩詠即笑問他：「名、利、權都唔求，咁求咩？求女？」事後馬明笑言：「係求其，我本人起碼都求錢，因為要照顧父母。」
詩詠受訪時直言等了十幾年，終於等到做醫生角色，因兒時睇《妙手仁心》太過深入民心，小時候都幻想過做醫生，故很想嘗試演醫生或警察這些專業的工作，因現實做不到，唯有在戲中實現。不過詩泳坦言都驚血，試過有一次見到自己的血滴落地上就暈了，希望拍攝時不會，不過拍攝時都有真醫生在埸，可以即場急救。身旁的馬明則笑言可即場人工呼吸，相信很多同事都願意，他又說：「我拍《On Call 》時學咗，但暫時未有機會運用。」劇中馬明飾演詩詠的前夫，問到二人私下相熟，演起來會否感覺怪怪？馬明直言不會，而詩詠就認為熟絡反而更好，不用刻意去做。
至於可擔心跟詩詠合作，緋聞女友黃心穎會呷醋？馬明說：「唔會，佢知道我拍咩，跟咩人演，無問題嘅。（心穎會否來探班？）我都未開工，佢都忙拍《丫鬟大聯盟》。」
安仔拍無綫劇不受影響
郭晉安最近簽約成為王祖藍旗下藝人，與無綫改簽部頭合約，安仔表示不會影響他為無綫拍劇。劇中安仔飾演醫生，有不少手術場面，他笑言之前上網看了不少手術片段，睇開腦片段睇到反胃，但後來已睇到冇感覺。安仔指劇中Ali飾演其徒弟，他不斷提攜對方，問到二人是否有感情線？安仔笑說：「初時睇到公司畀李佳芯我，心諗『正呀，公司咁睇得起我？』但原來Ali同馬國明、唐詩詠有三角戀。」問到李佳芯是否又再次飾演「小三」？她笑說：「我從良咗好耐喇。」