第六場､第三班､一二○○米。「開心神駒」至今取得兩冠一亞兩季成績，惟今季馬匹表現予人退步之感，連番接戰皆跟跑而回，不過喺季初十一月出爭三班泥地千二，就喺巴度胯下留前鬥後蝕位追跑入第四，可見其戰鬥力仍未盡減；今晚老苗揀回谷草千二，換上貝湯美執韁火燒唔會熱，提防在這場弱組施放冷箭。
第七場､第三班､一○○○米。「大風暴」今季跑過六仗，雖然從未上名，惟在田草千二及谷草一千兩度跑入第四，足證其實力喺三班作賽必有周旋之力；至於今晚大摩再揀窄場一千，埋門搵潘明輝彈草閘走勢強勁，半冷門有跟進必要。
第八場､第三班､一六五○米。「雷公鑿」今季已獲兩W，頭馬俱在谷草一哩取得，目下評七十六分喺此群尚未摸頂，看上仗出爭此程，排五檔布達德慢閘全程居中，最後追一段只負頭馬三身位；今次練者搵到冷殺手沈拿掛帥爭強項，排有利二檔起步，只要起步快閘留守好位，當有力食尾糊。