■身為無綫藝人的汪明荃(中)踩入ViuTV節目探班。香港文匯報訊（記者 梁靜儀）羅家英（家英哥）與李子雄昨日為林敏驄（阿驄）與梁漢文等主持的ViuTV大型遊戲節目《 Good Night Show全民星戰》節目錄影，其間身為無綫藝人的汪明荃（阿姐）更偕同由美國來港的弟弟及弟婦前來探班，逗留一小時才離開，而阿驄竟敢整蠱阿姐，欲將手上的貼紙貼在阿姐的帽子上。家英對於阿驄玩阿姐，他指對方逢人都整蠱，他笑說：「林敏驄低B，睬佢都傻，佢係人都玩，不分大細，我哋由得佢。」
對於阿姐身為無綫藝人到ViuTV節目探班，家英哥說：「今日係發生咗少少意外，突然有人來探班，呢個係羅汪明荃，佢係公司高層，但（若果）驚某公司高層問點解佢會嚟呀？佢以羅太同明星足球隊名譽會員身份嚟探班，應該無乜問題。何況無接受訪問，影張相之嘛，我哋一家人，加上佢弟弟返來，我又好少喺香港做節目，所以嚟探班同我打氣。」至於是否擔心無綫會小器？家英哥說：「唔講呢啲，或者佢唔小器呢？係我哋驚㗎啫，其實演藝界係和和氣氣、百花齊放，你幫我、我幫你無乜問題嘅。」
阿姐被指足球白癡
談到世界盃，李子雄表示是巴西隊忠實粉絲，因好欣賞其球技，不過希望入球後保留跳森巴舞。家英哥認為比利時是黑馬，亦計劃帶同阿姐與明星足球隊到俄羅斯睇世界盃。他又指阿姐曾睇他踢足球，但當時他要用手拋界外球，搞到阿姐問點解不是用腳踢而是用手。 身旁的阿驄就問家英哥，阿姐是否足球白癡？他說：「係，佢無乜玩運動，試過打羽毛球打傷咗，但佢鍾意跳舞同做健身運動、行下路！」
梁漢文表示會去俄羅斯睇決賽，若ViuTV幫他整記者證，屆時他會幫手做客席主持。