■霆鋒聯同加拿大名廚David到順德接受挑戰。香港文匯報訊（記者 植植）《名廚爭鋒》第一季日前播出第二集，謝霆鋒聯同加拿大名廚David去到廣東的順德，由順德當地名廚找來一道地道菜，然後兩位大廚蒙眼試食，之後再加上自己的創意在三個小時內烹煮呢道菜。
去到順德，霆鋒與David在順德名廚的帶領下齊齊「掃街」，見到賣鳳爪的店舖，David睇到嗱埋晒口面，不過霆鋒和順德廚師就食到津津有味，最後David都有「吮腳趾」，還大讚味道不錯。
比賽當日，順德名廚找來順德最有代表性的菜式「煎釀鯪魚」，讓霆鋒和David蒙眼試食。試食完，霆鋒和David就去街市買餸。一去到街市，霆鋒即被粉絲包圍，他說：「我一落車，已經有好多人駐足圍觀兼影相，亦即係話......好難買餸。」最後霆鋒買了一盤蛋，為了要好好保護蛋蛋，霆鋒笑着大叫：「唔好掂我啲蛋呀！」不過David的情況也不比霆鋒好，由於David語言不通，因此想買的東西險些都買不到，幸好最後有位識英文的女生幫忙翻譯，才可以買齊材料。
霆鋒在賽後坦言順德是最難的一站，「鯪魚本身係好難處理嘅一件事，煎釀鯪魚就係要將整條魚拆肉、拆骨、起皮，皮唔可以穿，呢個要求係相對地麻煩。所以我道菜叫『鯪魚瑞士卷』，腐皮包住啲鯪魚肉，入面仲有塊紫菜，同埋炒咗個鮮奶墊底，咁啲炸咗嘅魚皮就可以塞番啲鮮奶。」