■大紅大紫火辣水煮魚麵，寓意古巨基演唱會加場。香港文匯報訊 闊別紅館七年，古巨基今年五月再踏紅館舉行《WE我們古巨基世界巡迴演唱會香港站特別版》反應非常熱烈，早前網上預售全部爆滿，公開發售加至四場，半日內又再次爆滿，英皇娛樂馬上為基仔再度追加5月10 日一場，本月16日公開發售。基仔前晚宴請同事，同事特製了加長兼夾極都唔斷的《加場麵》，令基仔也覺得好搞笑。而席間霍汶希叫基仔乾杯，古太Lorraine英勇地站起來，為老公頂酒，認真Sweet！
古巨基日前宴請一班TVB幕後人員，答謝他們為音樂特輯《古巨基初心再體驗》和《流行經典50年》的辛勞付出。英皇一班同事為慶祝基仔演唱會反應熱烈二度加場，就特製了《大紅大紫火辣水煮魚加場麵》整蠱基仔，加長兼夾極都唔斷的《加場麵》令基仔也覺得好搞笑。
當晚英皇高層許佩斯、經理人霍汶希(Mani)、演唱會部總監馮貽柏，及一眾英皇同事均有出席基仔的《初心再體驗》慰勞宴，席間基仔最喜愛的「水煮魚」、「炸大腸」等菜 上桌時，霍汶希就說：「呢三味特登點畀你食！炸大腸！祝你演唱會炸爆每一場！」而行政總裁許佩斯就話：「呢個熱辣辣長壽麵，慶祝你場場售罄！」然後當大家叫基仔夾最喜愛的水煮魚時，就發現裡面的麵條愈夾愈長，基仔邊夾邊笑手腳忙亂說：「喂，點解咁長？」坐在基仔旁邊的Alex(馮貽柏)這時就突然拿出一個加場牌子插進水煮魚中說：「咁紅咁火辣就一定係加(長)場啦。」然後一眾同事齊齊與他飲杯，慶祝他演唱會大成功一加再加，令基仔既意外又開心。
叫Mani不要再灌老婆
其間經理人霍汶希叫基仔乾杯，但基仔就望住坐了去另一圍的古太，不停話「以茶代酒啦」，「問過老婆先，應該唔畀飲......」十分搞笑。古太聞言就話：「真係唔好飲呀！明日又要拍嘢會水腫！」然後古太突然很英勇地站起來說：「我幫佢頂啦！我飲！」Mani見古太咁勇，馬上上前叫她一乾再乾，三杯啤酒急急下肚，古太不勝酒力明顯開始醉，基仔愛妻心切即臉色大變，叫Mani不要再灌他老婆。
問到基仔二度加場感受，他就謂意想不到同事這樣有心思為他慶祝十分開心，基仔說：「二度加場當然開心啦，好多謝歌迷支持，買唔到飛的歌迷，十六號要盡快撲飛，為咗答謝大家我會盡力做好個騷。」