香港文匯報訊 細細粒（陳嘉佳）早前飛往北京參與央視綜藝節目《星光大道》錄影，與內地素人進行演藝PK。節目中，細細粒先後展現唱功、舞功、柔軟度及靈活度，雖然狀態不算太好，但由於表現可愛兼擅於掌握氣氛，結果與另一位內地精英齊齊成為周冠軍！搞笑的是，向來感情豐富的細細粒，當知道自己喜奪周冠軍後，先是露出難以置信及天然呆的表情長達一分鐘，直到站在旁邊的選手提醒，才「如夢初醒」，並一秒爆喊兼激動至口齒不清，令主持們十分意外；其中被細細粒感動至雙眼通紅的女主持人，更大爆細細粒為了做好個SHOW，練歌練至通宵達旦，情景令人十分感動。
小寶事後接受訪問，坦言對於自己能夠獲得周冠軍難以置信，她笑謂：「雖然我真係好努力練咗好耐，但我因為又要講普通話又要好短時間內換衫好緊張，加上個個都臥虎藏龍，所以我真心係冇諗過有獎攞。」問到為何如此激動喊至口齒不清，細細粒續說：「本身我份人都係淚腺發達，不過今次我流的係真眼淚。因為今次我同工作團隊付出咗好多努力，我們除咗排練咗好多個鐘，又度咗好多嘢希望可以做得更好。所以對於努力獲得肯定，我們台前幕後都好感動，個個喊到收唔到聲。」問到整個比賽中最難忘的環節，細細粒笑言是與內地高手「舞鬥」部分：「首先嗰個環節嘅現場氣氛好好啦，同埋你們咪睇我肥嘟嘟，我又真係幾靈活，拉筋同埋係咁轉圈都難唔倒我，評判都有讚我話我咁都仲保持到燦爛笑容好可愛，有機會係喺嗰個環節加分！」