■霆鋒(左)與火火邊下廚邊傾偈。香港文匯報訊 真人騷節目《名廚爭鋒》上，謝霆鋒與加拿大名廚David Rocco對決，最終霆鋒成功揮低David勝出比賽。同一時間，霆鋒自家製作的飲食節目《鋒味》亦在ViuTV熱播，今日播出的一集將會「回歸香港」，嘉賓有霍汶希、陳偉霆和小S。播映期間，節目會穿插火火和霆鋒一邊煮食一邊傾偈的環節，今次煮的是「葡式雞威靈頓」。當霆鋒教緊火火搽蛋漿落酥皮時，他說：「呢啲攞嚟追女仔都幾煞食㗎！」火火即認同表示：「係㗎，一個咁靚仔嘅男仔，如果我現在係一個女仔喺你嘅廚房，望住你喺度搽蛋漿，我點唔冧啫？」平時cool爆的霆鋒此時竟然尷尬起來，還害羞的「哎吔」了一聲，該表情可謂難得一見。
之後見霆鋒熟練地將酥皮交叉包住雞，火火問拍第一輯《鋒味》時有沒有出過事？霆鋒直認不諱，「原來拍同煮係兩樣文化。拍第一輯時，我要每個shot都好似廣告shot咁靚、燈要靚，但如果係咁，啲燈打人又要打食物，時間上根本照顧唔到兩樣，就好似梳乎厘咁，喺焗爐拎出嚟，佢根本只有兩分鐘內嘅壽命就死啦嘛，再執一執燈，再望返個梳乎厘......再整過啦，哈哈哈。 」