（第一場）「奇異晨曦」上仗直路初被塞死，等到最後一百才望空，咁輸法確實有點冤枉，畢竟前仗於四班也能入圍，今次轉戰對手冇咁強谷草，用到莫雷拉決心補中。
（第二場）「驫驫」上仗首度在谷草上名，只係輸俾近況狂勇的「大四喜」獲亞軍非戰之罪，確認四歲馬已找對方向，再度誓師，坐位望贏相信續可做到。
（第三場）「型酒杯」近仗越跑越好，上賽僅以兩個餘身位不敵頭馬「開心日子」跑獲殿軍，彰顯五歲北半球馬漸聞樓梯響，復課繼續猛咁做工夫，試閘拍跳樣樣有齊，狀態確認冒勇，強配潘頓值得追贏。
（第四場）「奇真」剛戰雖只獲梗頸四，但論到直路追勢卻是兇狠無比，七歲老馬果真爛船仲有三斤釘，適逢對手爾爾，加上排三檔好跑，相信不會錯失一個建功良機。
（第五場）「紅星」迄今十五次角逐同程，累積五冠一亞三季佳績，上名率高達六成，性能之佳表露無遺，復課磨刀霍霍，強配潘頓擺明有攻堅決心。
（第六場）「嘉應之友」上仗排最外檔亦能殺入前列，表現出色，由此證明現評分已具反彈之條件，今次準備更充足，狀態冒勇，由潘頓壓陣是爭勝要角。
（第七場）「星運判官」雖則上場只係贏四班賽，但取勝姿態及時間俱佳，伸算水準差極有個譜，今次升班釋重負相信會更好跑，打鐵趁熱可梅開二度。
（第八場）「百步穿雲」剛仗贏馬唔出奇，只係估唔到取勝姿態竟如斯輕鬆，五歲馬戰鬥力進一步昇華，沿留原班角逐着數到暈，一於繼續追。