■謝霆鋒香港文匯報訊 今時今日，「電競」已經發展成體育競技，講起打機，圈中有唔少藝人都係「機友」有些仲組電競隊比賽。日前，謝霆鋒以代言人身份，到西安出席手機遊戲宣傳活動，霆鋒話對上一次去西安，已經係2004年的事。活動上，大會主持問霆鋒有冇玩過代言的遊戲，佢就話最鍾意就係玩RPG Game。霆鋒說：「我用好多時間去打機，我記得同過我阿媽（狄波拉）講，如果我唔係入咗行，我係會向電競方面發展。」佢仲話以前佢打機的年代唔似得𠵱家，「現在打機係有好多途徑知道攻略、關於遊戲的資訊，我以前打的時候好『寂寞』。」現在打機（電競）已經發展成為體育競技，隨之衍生的電競產業更達億億聲，霆鋒笑說：「我阿媽同我講：『早知遊戲市場咁大，當初我就唔阻你啦。』」