■麥明詩(右)與陳庭欣透露節目內雖有穿泳裝上陣，但卻有作深層打底。香港文匯報訊（記者 梁靜儀）麥明詩（Louisa）、陳庭欣（Toby）、張寶兒（Bowie）、陳國峰、楊潮凱、謝東閔及林子博父子，昨日上郵輪出席遊戲節目《海上夏日郵樂園》記者會，眾人在烈日當空下分享拍攝點滴。Louisa透露她雖然準備了谷胸泳裝錄節目，但最後卻加穿件T-shirt，她笑言不想焦點落在她身上之餘，同場尚有沈卓盈，還是不要班門弄斧！
麥明詩與陳庭欣透露在節目內雖有穿泳裝上陣，但卻有作深層打底，Louisa笑說：「我準備咗一件令身材豐滿嘅泳衣，但知道有沈卓盈，覺得唔好咁班門弄斧，又唔想焦點落晒喺身上，最後就加咗件T-shirt，不過有一個環節要着住個透明氣球玩，我個波真係好大，成個自己咁大。」
Toby則表示節目內未有露事業線，但也有騷長腿及腰，龔嘉欣則有對白腿，楊潮凱就有飛毛腿，她笑說：「有一part我要攀石，有翹pat pat，大家加少少幻想就好性感。」
她又透露今日拍攝新劇《多功能老婆》一場泳衣戲，同場還有前港姐冠軍朱晨麗及前亞姐冠軍陳煒，三位選美冠軍同場穿泳衣實屬難得。問到Toby會否要於泳衣內加胸墊？她笑說：「件泳衣好薄攝唔到，同埋我從來都唔攝㗎，（場戲可會受公司的限性感令影響？）劇組冇講，但單睇陳煒同朱朱（朱晨麗）着泳裝咁優雅已經好正啦，我都好期待，今晚早啲瞓，到時帶定一批私伙泳衣去到揀。」
Bowie表示節目中不會穿泳衣騷身材，最多是「露齒」，並非男友不批准，只是沒有需要，因節目是一家大細收看。
張寶兒否認借袁父宣傳
提到她日前在IG甫文，卻惹來網民質疑，覺得她借男友袁偉豪（Ben）的父親過身來宣傳郵輪？Bowie否認說：「篇文係阿Ben爸爸過身後幾日發嘅，只是有感而發，大家可能誤會咗，純粹寫返個地方喺嗰度，唔通我標籤皇后像廣場，又話我宣傳咩？」問到可有因被誤會而不開心？她坦言有少少不開心：「作為藝人，好多時畀人覺得每句說話都喺度賣廣告，如果換轉正常人，其實係好生活化嘅嘢，下次會小心，明白大家會有呢個誤會，將個焦點放得大咗。」