■吳鎮宇香港文匯報訊 吳鎮宇在下月21日上畫的警匪片《洩密者們》中，飾演一名香港辣警，夥拍扮演大馬刑警的張智霖 (Chilam)，一同調查疫症背後的驚天大陰謀。今次鎮宇在演繹上非常到位，其角色智勇雙全，是個無視安危、只會揸乾自己日以繼夜用盡所有方法不停查案的狂人，相當瘋癲，所以他全片打扮不修邊幅，為配合角色更專登留長頭髮及染成啡金，甚至故意谷肥凸出肚腩。
鎮宇說：「我係特登搞啲頭髮，同埋係有增肥，肥幾多唔知，係想有些肚腩，咁會同個角色更加match。同埋戲入面我同小環係兩公婆，呢次佢唔係賣魚蛋，係做madam，但佢好犀利，咁多年都冇變，都係咁樣。」片內鎮宇就係掛住打老虎同追查洩密者們的身份，忙到有家歸不得，因而成為他和老婆譚小環婚姻破裂的導火線。失婚差佬有幾咁辣，打人追車，茶煙當飯，食麵一啖過，鎮宇的演繹完全入型入格。