（第一場）「珍珠旺」前仗落五班跑即在潘頓胯下於同程獲亞軍，上回好明顯係黃皓楠舞唔掂，敗績毋須太上心，畢竟現時評分比對上贏馬時仲要低，轉圜已有地，埋門試閘拍跳做到足，改配祈普敦有望重振聲威。
（第二場）「勁哥兒」季內有贏有位，獲勝一役更是在此程擊敗「事勝意」，賽績具指標性，上賽直路受困根本沒跑過，眼見勇態未回落，原庄配搭再戰，只要唔塞就可以取得季內第二場勝仗。
（第三場）「魅力之子」評分減到過晒龍，現水平角逐已有討價還價條件，加上初跑五班賽對手大幅減弱下，有權谷底反彈。
（第四場）「和平開心」十二次角逐此程累積三冠三亞一季佳績，上名率逾半數，七歲老馬最難得的是今季由季頭拚到季尾都毫無疲態，繼續攻強項顯有用盡一時意。
（第五場）「王者再現」典型升降機，跑三班拚盡最多僅止於位置，反觀一落四班角逐形勢當堂唔同晒，適逢今回對手各有缺點，把握得好可重振雄風。
（第六場）「傳奇」移師此程後兩戰分列冠亞，成績標青，質新分子已找到最佳出路，復課積極砥礪，強配潘頓顯有拚勝決心，值得作為首選。
（第七場）「皇仁先鋒」剛戰初次打響勝鼓，並且輕取今場主要對手「叫關健康」和「上浦猛將」，賽事水準相當有說服力，贏完沿留原班優勢未失，可謀添食。
（第八場）「多項領先」剛戰初啟勝門，看似贏得驚險，實質係睇住對手來食，結果換來只加六分確有賺，吳嘉晉正為爭取續牌而努力，有隻好馬在手自會悉力以赴。