第六場､第三班､一○○○米。「美夢成真」B布快馬來港後三戰皆北，惟陣上表現仗比仗近，今次渡江轉戰三班一千，馬房仍交予李寶利上陣有冷味。翻看此駒上仗除脷帶出戰田草千二，排外檔起步快閘切入前領，入直路順勢加速，直到拉士百餘米才乏力跑第四；今戰只要起步快閘放出，沿用上賽搶放戰略，當有力冷門闖關。
第七場､第三班､一二○○米。「勤德兼備」上季以千元大冷W身份勝出，一般來說，大冷馬能夠勝出，大多採用放頭跑法，因為對手未能追及而奠勝，但此駒卻屬後上馬，直路上移出最外疊逢馬過馬，贏得清脆利落。而今季只獲一季軍仍未一逞，今晚終於跑番上季贏馬途程，冷門在此。
第八場､第三班､一六五○米。「深愛」四歲葉廄搵食一族，季內七戰仍未一勝，再看上賽出戰田草千四，在黃皓楠胯下後上與「友誼之星」串Q，而今仗加至六十二分喺三班作賽，然而回配唯一贏過嘅雷神轉戰此程，提防季尾冷門標尾會。